O'ZBEK VA INGLIZ TILLARIDA SINTAKTIK FIGURALARNING IDROK QILINISHI

Mazkur maqolada o‘zbek va ingliz tillarida qo‘llaniladigan sintaktik figuralarning idrok qilinishi masalasi qiyosiy-nazariy jihatdan tahlil qilinadi. Tadqiqotda anafora, epifora, parallelizm, inversiya, gradatsiya kabi asosiy sintaktik figuralarning tuzilishi, semantik va pragmatik xususiyatlari hamda ularning o‘quvchi va tinglovchi ongida hosil qiladigan emotsional-estetik ta’siri o‘rganiladi. O‘zbek va ingliz badiiy matnlari asosida olib borilgan tahlillar orqali mazkur figuralarning har ikki tilda idrok etilishidagi umumiy va farqli jihatlar aniqlanadi. Shuningdek, sintaktik figuralarning milliy-madaniy tafakkur, nutq ritmi va stilistik ta’sir kuchiga bog‘liqligi yoritib beriladi. Tadqiqot natijalari qiyosiy tilshunoslik, stilistika va tarjimashunoslik sohalari uchun nazariy va amaliy ahamiyat kasb etadi.