O'ZBEKISTONDA KICHIK BIZNESNI RIVOJLANTIRISH: HOLATI, MUAMMOLARI VA ISTIQBOLLARI

Annotatsiya. Mazkur tezisda O‘zbekistonda kichik biznesni rivojlantirishning iqtisodiy ahamiyati, amaldagi holati, davlat tomonidan qo‘llab-quvvatlash mexanizmlari hamda rivojlanishga to‘sqinlik qilayotgan asosiy omillar tahlil qilinadi. Kichik biznesning yalpi ichki mahsulot, bandlik, sanoat va xizmatlar sohasidagi o‘rni statistik ma’lumotlar asosida yoritilib, moliyaviy resurslardan foydalanish, raqamlashtirish, innovatsiyalarni joriy etish, eksport salohiyatini kengaytirish va tadbirkorlik ko‘nikmalarini oshirish masalalariga alohida e’tibor qaratiladi. Shuningdek, kichik biznes subyektlarini “uzluksiz xizmatlar zanjiri” asosida qo‘llab-quvvatlash, kredit va kafillik instrumentlarini takomillashtirish, hududlarda biznes infratuzilmasini rivojlantirish bo‘yicha takliflar ishlab chiqilgan. Tadqiqot natijalari kichik biznesning barqaror iqtisodiy o‘sish, yangi ish o‘rinlari yaratish va aholi daromadlarini oshirishdagi rolini kuchaytirish zarurligini ko‘rsatadi.