O'ZBEK VA INGLIZ TILLARIDA TOPONIMLARNING PRAGMATIK XUSUSIYATLARI VA ULARNING NUTQDAGI FUNKSIYASI

Mazkur maqolada o‘zbek va ingliz tillarida toponimlarning pragmatik xususiyatlari hamda ularning nutqdagi funksional imkoniyatlari qiyosiy jihatdan tahlil qilinadi. Tadqiqot davomida toponimlarning nafaqat geografik nom sifatida, balki kommunikativ vosita sifatidagi o‘rni ochib beriladi. Shuningdek, toponimlarning kontekstual ma’nolari, nutq jarayonida yuklanadigan qo‘shimcha semantik va emotsional yuklamalari o‘rganiladi. O‘zbek va ingliz tillarida toponimlarning qo‘llanishi orqali milliy-madaniy tafakkur, ijtimoiy munosabatlar va diskursiv strategiyalar aks etishi aniqlanadi. Tadqiqot natijalari toponimlarning pragmatik jihatdan tahlili tilshunoslikda muhim yo‘nalish ekanligini ko‘rsatadi.