OPERATSIYADAN KEYINGI ANOREKTAL YETISHMOVCHILIK RIVOJLANISHINING ASOSIY SABABLARI
收藏资源简介：
Kirish. Bolalarda anorektal nuqsonlarni jarrohlik yo‘li bilan davolashda asosiy maqsad faqat anatomik nuqsonni bartaraf etish bilan cheklanib qolmasligi lozim, chunki davolashning yakuniy samarasi ichak faoliyatining funksional tiklanishi bilan baholanadi [1,5,9]. Amaliy tajriba shuni ko‘rsatadiki, birlamchi jarrohlik aralashuvi texnik jihatdan to‘g‘ri bajarilgan holatlarda ham operatsiyadan keyingi anorektal yetishmovchilik rivojlanishi mumkin [4,6]. Ushbu asorat bolalar jarrohligi amaliyotida muhim muammolardan biri bo‘lib qolmoqda [8]. Operatsiyadan keyingi anorektal yetishmovchilik ichakni tutib turish mexanizmining izdan chiqishi bilan tavsiflanadi va bu holat turli klinik ko‘rinishlarda namoyon bo‘ladi [1,9]. Najasni tutib tura olmaslik, surunkali qabziyat yoki ich ketish holatlari kuzatiladi [4,10]. Ushbu buzilishlar bolaning jismoniy hamda psixoemotsional holatiga salbiy ta’sir ko‘rsatadi [3,5].
