STRATEGIK ALYANS SHARTNOMASINING HUQUQIY TABIATI VA MUHIM SHARTLARI

Mazkur maqolada strategik alyans shartnomasining huquqiy tabiati, uning xalqaro savdo va investitsiya munosabatlaridagi o‘rni hamda mazkur shartnomalarning muhim shartlari tahlil qilinadi. Strategik alyans zamonaviy korporativ boshqaruv va xalqaro iqtisodiy integratsiyaning muhim vositalaridan biri sifatida ko‘rib chiqilib, uning qo‘shma korxona, konsorsium va oddiy fuqarolik-huquqiy hamkorlik shartnomalaridan farqli jihatlari ochib beriladi. Maqolada strategik alyans shartnomalarining predmeti, tomonlarning huquq va majburiyatlari, intellektual mulk huquqlari, maxfiylik, raqobatni cheklash shartlari, javobgarlik va nizolarni hal qilish mexanizmlariga oid xalqaro tajriba hamda huquqiy amaliyot yoritilgan. Shuningdek, O‘zbekiston qonunchiligida strategik alyans institutining rivojlanish istiqbollari va amaliy muammolari tahlil etiladi. Tadqiqot davomida xalqaro huquqiy manbalar, iqtisodiy tashkilotlar hisobotlari va ilmiy adabiyotlardan foydalanilgan.