TO'QIMACHILIK SANOATI KORXONALARI INVESTITSION FAOLIYATINI BOSHQARISHNING TASHKILIY-IQTISODIY MEXANIZMLARINI TAKOMILLASHTIRISH

Mazkur maqolada O‘zbekiston to‘qimachilik sanoati korxonalarida investitsion faoliyatni boshqarishning tashkiliy-iqtisodiy mexanizmlarini takomillashtirish masalalari tadqiq etilgan. Tadqiqotda investitsiyalarni jalb etish, ularni ustuvor yo‘nalishlarga taqsimlash, investitsion loyihalarning iqtisodiy samaradorligini baholash va investitsiyadan keyingi monitoring tizimini takomillashtirishning nazariy hamda amaliy jihatlari yoritilgan. O‘zbekiston to‘qimachilik sanoatida investitsiya hajmining o‘sishi, ishlab chiqarish quvvatlarini modernizatsiya qilish, yuqori qo‘shilgan qiymatga ega tayyor mahsulotlar ishlab chiqarish va eksport salohiyatini oshirish jarayonlari tahlil qilingan. Tadqiqot natijasida korxonalar investitsion faoliyatini boshqarishga moliyaviy, institutsional, texnologik, risk-menejment va raqamli boshqaruv vositalarini integratsiyalashga asoslangan takomillashtirilgan tashkiliy-iqtisodiy mexanizm taklif etilgan.