ESG TAMOYILLARI VA BARQAROR MENEJMENT: KOMPANIYANING RAQOBATBARDOSHLIGI VA INVESTITSION JOZIBADORLIGIGA TA'SIRI

Maqolada ESG tamoyillarining kompaniya raqobatbardoshligi va investitsion jozibadorligiga ta’sir etish yo‘llari tahlil qilinadi. Ekologik, ijtimoiy va korporativ boshqaruv amaliyotlari xarajatlar, mehnat xavfsizligi, operatsion barqarorlik, investor ishonchi va axborot shaffofligi bilan bog‘liq holda o‘rganiladi. O‘zbekiston Respublikasida ESG hisobotiga doir 2026-yilgi qoidalar va IFRS S1/S2 standartlarining ahamiyati yoritiladi. Kompaniya ichida ESG boshqaruvini joriy etish bosqichlari va ko‘rsatkichlarni tizimlashtirish uchun shartli integral indeks taklif etiladi. ESG amaliyotining natijasi avtomatik moliyaviy ustunlikni kafolatlamasligi, uning samarasi muhimlik, ma’lumot sifati va real ijroga bog‘liqligi asoslanadi.