BOSHLANGʻICH SINF OʻQUVCHILARI TAFAKKURINI OʻSTIRISHDA SHE'RIY ASARLARNING OʻRNI

Mazkur maqolada boshlang‘ich sinf o‘quvchilari tafakkurini rivojlantirishda she’riy asarlarning o‘rni ilmiy-nazariy hamda amaliy jihatdan chuqur tahlil qilingan. Tadqiqotda she’riyatning o‘quvchilarning bilish jarayonlariga, xususan, obrazli, mantiqiy va ijodiy tafakkur shakllanishiga ta’siri asoslab berilgan. Shuningdek, boshlang‘ich ta’lim jarayonida she’riy asarlardan foydalanishning didaktik imkoniyatlari, pedagogik shart-sharoitlari hamda samarali metod va usullari yoritilgan. Maqolada she’riy matnlar orqali o‘quvchilarning nutq boyligini oshirish, estetik didini shakllantirish va mustaqil fikrlash ko‘nikmalarini rivojlantirish masalalari ham ko‘rib chiqilgan. Tadqiqot natijalari she’riy asarlardan tizimli va maqsadga muvofiq foydalanish boshlang‘ich sinf o‘quvchilarining tafakkurini rivojlantirishda yuqori samaradorlikka ega ekanligini ko‘rsatadi.