SHAHOBIDDIN SUHRAVARDIY "AVORIFUL-MA'ARIF" ASARIDA ILM VA MA'RIFAT TUSHUNCHALARINING TALQINI

Mazkur maqolada Shahobiddin Suhravardiyning “Avorif al-Ma‘arif” asarida ilm va ma’rifat tushunchalarining talqini ilmiy jihatdan tahlil qilinadi. Unda allomaning ilmni zohiriy va botiniy jihatlarga ajratgan holda izohlashi, ma’rifatni esa qalb idroki va ruhiy kamolot darajasi sifatida talqini yoritiladi. Shuningdek, maqolada ilm va ma’rifatning o‘zaro bog‘liqligi, ularning inson kamolotidagi o‘rni hamda tasavvufiy ta’limotdagi ahamiyati ochib beriladi. Asarda murshid-murid munosabatlari va ilmning amaliy jihatlari ham tahlil qilinadi. Tadqiqot natijasida Suhravardiy ta’limotida ilm va ma’rifat tushunchalarining uyg‘unligi insonning ruhiy yetuklikka erishishida muhim omil ekanligi asoslab beriladi.