Surunkali yurak yetishmovchiligi bilan kasallangan bemorlarda instrumental tekshiruv samaradorligi va patomorfologik tahlili

Maqolada surunkali yurak yetishmovchiligi (SYY) bilan kasallangan 95 nafar bemorda elektrokardiografiya (EKG), ekokardiografiya (ExoKG) va koronarografiyaning diagnostik samaradorligi o'rganilgan, olingan natijalar miokarddagi patomorfologik o'zgarishlar bilan taqqoslangan. Bemorlarning 61,1% ida chap qorincha otish fraksiyasi pasaygan, koronarografiya o'tkazilganlarning 72,3% ida gemodinamik ahamiyatli koronar stenoz aniqlangan. Otish fraksiyasi darajasi bilan miokarddagi interstitsial fibroz maydoni o'rtasida kuchli teskari bog'liqlik (r=–0,58) ko'rsatilgan. Instrumental usullarni majmuali qo'llash SYY etiologiyasini va og'irlik darajasini aniqlashtirishda yuqori diagnostik qiymatga ega ekanligi asoslangan.