O'ZBEKISTONDA OLTIN KONLARI UCHUN OPTIMAL NAMUNAGA ISHLOV BERISH SXEMASIGA, MINERALOGIK JOYLASHUVNI HISOBGA OLGAN HOLDA TAHLILIY YONDASHUV

Oltin konlaridan olingan geologik namunalarga ishlov berish sxemasida maydalash o‘lchamini noto‘g‘ri tanlash tahlil natijalarining ishonchliligiga salbiy ta’sir ko‘rsatishi mumkin. Charmitan konidan olingan 5 kg li geologik namuna standart 1 mm gacha maydalanib, 5 ta teng 1 kg li qismga bo‘lindi; har bir qism alohida 0.074 mm gacha ezilib probir tahlilga yuborildi — natijalar 1,02 dan 4,87 g/t gacha (o‘rtacha 2,95 g/t, variatsiya koeffitsienti 47%) o‘zgardi. Bu kuzatuv O‘zbekistondagi yagona standart namunalarga ishlov berish sxemasi barcha mineralogik tipdagi konlar uchun mos kelmasligi mumkin degan tahliliy yondashuv turtki bo`ldi. O‘zbekistonning o‘nta oltin koni bo‘yicha nashr etilgan geologik ma'lumotlar Richards-Checheott formulasi (Q = kd²) yordamida tahlil qilinib, uch guruhli differentsial maydalash sxemasi taklif etiladi. Maqola gipoteza xarakteriga ega;