"TARBIYA" DARSLARIDA INNOVATSION METODLAR ORQALI O'QUVCHILARNING MA'NAVIY-AXLOQIY KOMPETENSIYALARINI RIVOJLANTIRISH

Ushbu maqolada 6–9-sinf o‘quvchilarining ma’naviy-axloqiy tarbiyasini rivojlantirishda innovatsion o‘qitish metodlarining pedagogik imkoniyatlari o‘rganilgan. Tadqiqot jarayonida rolli o‘yinlar, munozara, debat, situatsion mashqlar, multimedia vositalari hamda tarbiyaviy loyihalarning samaradorligi tahlil qilinadi. Muallif “Tarbiya” fanida innovatsion yondashuvlar o‘quvchilarning shaxsiy pozitsiyasi, ijtimoiy mas’uliyati va milliy qadriyatlarga munosabatini shakllantirishda muhim omil ekanligini asoslaydi. Maqolada tajriba-sinov natijalari asosida amaliy tavsiyalar ishlab chiqilgan. Ushbu tadqiqot umumta’lim maktablari o‘qituvchilari va pedagogika yo‘nalishidagi tadqiqotchilar uchun metodik qo‘llanma vazifasini bajaradi.