XORAZM VILOYATIDA YOSHLAR BANDLIGINI TA'MINLASH SIYOSATI: TARIXIY TAJRIBA VA RIVOJLANISH TENDENSIYALARI

Mazkur maqolada O‘zbekiston Respublikasi mustaqilligi yillarida Xorazm viloyatida yoshlar bandligini ta’minlashga qaratilgan davlat siyosatining shakllanishi, rivojlanish bosqichlari va hududiy xususiyatlari tarixiy-tahliliy nuqtayi nazardan tadqiq etilgan. Yoshlarning mehnat bozoriga kirib kelishi, ularni kasb-hunarga tayyorlash, doimiy va mavsumiy bandligini ta’minlash, tadbirkorlik faoliyatiga jalb etish, kasanachilik va hunarmandchilikni rivojlantirish, mehnat migratsiyasi bilan bog‘liq masalalarni tartibga solish hamda zamonaviy kasblarga o‘qitish davlat siyosatining muhim yo‘nalishlari sifatida tahlil qilingan. Xorazm viloyatining demografik tarkibi, qishloq xo‘jaligi, xizmat ko‘rsatish, turizm, hunarmandchilik va kichik biznesning hududiy xususiyatlari yoshlar bandligiga ta’sir etuvchi omillar sifatida ko‘rib chiqilgan. Shuningdek, mustaqillikning dastlabki davridan boshlab bugungi kunga qadar bandlik siyosatida yuz bergan institutsional o‘zgarishlar tahlil qilinib, zamonaviy bosqichda “Yoshlar daftari”, manzilli bandlik dasturlari, kasb-hunarga o‘qitish, tadbirkorlikni moliyaviy qo‘llab-quvvatlash va oliy ta’lim bitiruvchilarini mehnat bozoriga integratsiya qilish mexanizmlarining ahamiyati ochib berilgan.