PREZIDENT MAKTABLARI BOSHQARUV TIZIMINING O'ZIGA XOS XUSUSIYATLARI

Ushbu maqolada O'zbekiston Respublikasida faoliyat yuritayotgan Prezident maktablarining boshqaruv tizimining o'ziga xos xususiyatlar ilmiy jihatdan tahlil etiladi. Tadqiqotda maktab boshqaruvining tarkibiy-funktsional modeli, iqtidorli o'quvchilarga mo'ljallangan maxsus ta'lim muassasalarini boshqarishda qo'llaniladigan innovatsion yondashuvlar, raqamli texnologiyalarning boshqaruv jarayoniga integratsiyasi hamda xalqaro amaliyot bilan qiyosiy tahlil amalga oshiriladi. Prezident maktablarining an'anaviy umumta'lim maktablaridan tubdan farq qiluvchi boshqaruv mexanizmlari, kollegial qaror qabul qilish tartibi, monitoring va sifat nazoratining samarali shakllari ko'rib chiqiladi. Tadqiqot natijalari Prezident maktablarini boshqarishda strategik rejalashtirish, xodimlarni professional rivojlantirish hamda ota-onalar va jamoatchilik bilan hamkorlik modellarini takomillashtirish uchun amaliy tavsiyalar ishlab chiqishga zamin yaratadi.