KK1-2465 - Zai ladat rawng ai shabrang ni (Vicious young man)

Transcription (La Ring) Moi.. she kahtawng langai mi kaw e nta langai mi kaw e wo htingbu kahtawng na num mahkawn sumpum mi dai nta langai mi kaw sa manam nga na hku rai re nga. Dai sa manam nga.. rai jang she e dai kahtawng kaw na shabrang ni gaw dai kaw mahkawn manam nga ai chye jang gaw shanhte gaw sa jahta mayu.. rai na she sa chyai, sa chyai rai jang gaw dai num mahkawn dai ni gaw shinggan nle hkraw. Shanhte gaw shana ting sa chyai ai nga tim shanhte gaw wo gawk kata de sha jawm makoi matsut rawng mat rai pru gaw npru wa hkraw shanhte ndai la shabrang kasha ni gaw jahta gaw jahta chyai mayu rai na she kade la tim npru wa kade la tim npru wa rai jang she shanhte gaw daw dap na wan dap kaw e wan kra let jawm dung jahta la nga rai yang npru wa jang she dai moi gaw daw dap garap ntsa kaw e galoi mung garap nga ai. Garap kaw e majap nga jap hkraw jap ni, kunhtang ngu ai dai kaw e tawn da da re mu masawp nna shanhte gaw dai wan kra alet e she dai garap na majap dai wan mang de masawp ju masawp ju masawp ju di na masawp ju shamawng ai da. Shaloi jang dai majap ju mawng jang she wan hkut gaw wo mahkawn ni rawng nga ai gawk de shang wa na hku rai nga. Shaloi jang gaw mahkawn dai ni gaw majap marit nna she kahti marit jahkru nna um nang de jawm gagat yan pru wa ma ai da. Shaloi dan re gagat yan pru wa jang she dai kaw she shanhte gaw dai kaw shana atsawm sha lu jahta shaga hkrum chyai ma ai da. . Language as given: Jinghpaw