GIPOTERMIK SINDROM KUZATILGAN CHAQALOQLARDA ADAPTATSION MEXANIZMLARNING O'ZIGA XOSLIGI VA ULARNI PARVARISH QILISH USULLARINI TAKOMILLASHTIRISH

Neonatal gipotermiya yangi tug‘ilgan chaqaloqlar orasida kasallanish va o‘lim ko‘rsatkichlarini oshiruvchi muhim xavf omillaridan biri hisoblanadi. Ayniqsa, preterm va past vazn bilan tug‘ilgan chaqaloqlarda gipotermik sindrom metabolik, nafas va gemodinamik moslashuv mexanizmlarining buzilishi bilan kechadi. Ushbu tadqiqotning maqsadi gipotermik sindrom kuzatilgan chaqaloqlarda adaptatsion mexanizmlarning xususiyatlarini o‘rganish hamda termoblanketlardan foydalanishning klinik samaradorligini baholashdan iborat. Tadqiqot davomida klinik kuzatuv, laborator va instrumental tekshiruvlar o‘tkaziladi. Olingan natijalar termoblanketlar chaqaloqlarda tana haroratini barqarorlashtirishi, metabolik buzilishlarni kamaytirishi va adaptatsiya jarayonlarini yaxshilashini ko‘rsatadi.