MIRZO ULUG'BEK XARAKTERINING ZAMONAVIY O'ZBEK ADABIYOTIDAGI BADIIY TADQIQI

Ushbu maqolada buyuk munajjim, matematik va davlat arbobi Mirzo Ulug'bek siymosining zamonaviy o'zbek adabiyotidagi badiiy talqini tadqiq etiladi. Muallif temuriyzoda hukmdorning ilm-fan yo'lidagi fidoyiligi hamda siyosiy kurash girdobida halok bo'lishi kabi bir-biriga zid qirralarini badiiy asarlar misolida ochib berishga intiladi. Tahlil jarayonida Maqsud Shayxzodaning "Mirzo Ulug'bek" tragediyasi va Odil Yoqubovning "Ulug'bek xazinasi" romani asosiy manba sifatida o'rganiladi. Maqolada obrazning fojiaviy mohiyati, olim bilan shohning ichki ziddiyati, shuningdek, ma'rifat va mutaassiblik o'rtasidagi tarixiy to'qnashuv badiiy-psixologik nuqtai nazardan yoritiladi.