BOKSCHILAR JISMONIY TAYYORGARLIGINI NAZORAT QILISHDA KOMPLEKS METODIKANING AN'ANAVIY YONDASHUVGA NISBATAN SAMARADORLIGI: PEDAGOGIK TAJRIBA-SINOV NATIJALARI

Maqolada bokschilar jismoniy tayyorgarligini nazorat qilishda kompleks metodikaning an'anaviy yondashuvga nisbatan samaradorligi ko'rib chiqilgan. Tadqiqot 2025-yilning iyun-avgust oylarida Buxoro sport majmuasi yoshlar va o'spirinlar boks maktabida 30 nafar bokschi (yosh 15–18) ishtirokida pedagogik tajriba-sinov shaklida o'tkazildi. Tajriba guruhi (n=15) to'rt komponentli kompleks nazorat metodikasini, nazorat guruhi (n=15) esa an'anaviy yondashuvni qo'lladi. 90 kunlik tajriba davomida 10 testdan iborat batareya bo'yicha ko'rsatkichlar dinamikasi o'lchandi. Statistik tahlil natijalari kompleks metodikaning UJT da 3,1–3,9 marta, MJT da 2,9–3,6 marta yuqori o'sish sur'atini ta'minlaganini ko'rsatdi (p<0,001; Cohen's d = 1,34–1,81). Integral ko'rsatkich tajriba guruhida 27,7%, nazorat guruhida atigi 9,5% ga oshdi. Olingan natijalar kompleks nazorat metodikasining ilmiy asosliligini va amaliy ahamiyatini tasdiqlaydi.