BOLALARDA YO'G'ON ICHAKNING UZAYISHI VA FIKSATSIYA BUZILISHIDA GISTOLOGIK BELGILAR ASOSIDA JARROHLIK DAVOLASHNI ASOSLASH
收藏资源简介：
Bolalarda yo‘g‘on ichakning uzayishi va fiksatsiya buzilishi bilan kechuvchi holatlarda jarrohlik davolashga o‘tish masalasi bolalar jarrohligida eng muhim klinik qarorlardan biri hisoblanadi [4,5,7]. Amaliyotda ko‘pincha jarrohlik faqat klinik belgilar og‘irlashganda yoki asoratlar rivojlanganda amalga oshiriladi [1,10]. Biroq klinik belgilar kech namoyon bo‘lishi mumkin, ichak devorida esa allaqachon qaytmas morfologik o‘zgarishlar shakllangan bo‘ladi [6,7]. Gistologik tekshiruv natijalari jarrohlik davolash zaruratini erta bosqichda asoslash imkonini beradi, chunki ichak devoridagi strukturaviy o‘zgarishlar klinik belgilar paydo bo‘lishidan oldin shakllanadi [6,7]. Shu sababli yo‘g‘on ichak devorida aniqlanadigan morfologik “ogohlantiruvchi belgilar”ni aniqlash va ularning klinik ahamiyatini baholash dolzarb hisoblanadi [2,3].
