Qədimli, N., Məmmədov, Ü. (2026). Arı davranışları üzrə sahə tədqiqatı hesabatı: Göygöl və Daşkəsən rayonları üzrə empirik analiz

Bu dataset və hesabat 03.05.2026 tarixində Göygöl rayonunun Üçtəpə və Topalhəsənli kəndləri, həmçinin Daşkəsən rayonunun Bayan kəndində aparılmış sahə tədqiqatına əsaslanır. Tədqiqat çərçivəsində arıların instinktiv davranışları 10 dəqiqəlik müşahidə intervalları üzrə analiz edilmiş, pətəyə giriş-çıxış göstəriciləri, toqquşma halları və pətək ətrafı uçuş aktivliyi qeydə alınmışdır.

Eyni zamanda temperatur, rütubət, UV indeksi və külək kimi meteoroloji göstəricilər mobil tətbiq vasitəsilə toplanmışdır. Əldə olunan nəticələr arıların kollektiv davranışının mühitə adaptasiyası, resursların səmərəli bölüşdürülməsi və koordinasiya mexanizmlərinin izahı baxımından biomimikri və süni intellekt modelləşdirməsi üçün empirik baza yaradır.