EKOLOGIK SIYOSATNING XALQARO-HUQUQIY ASOSLARI SHAKLLANISH BOSQICHLARI VA GLOBAL TAJRIBA TAHLILI

Ushbu tezisda ekologik siyosatning xalqaro-huquqiy asoslari va uning tarixiy shakllanish bosqichlari tahlil qilingan. Xalqaro ekologiya huquqining to‘rt bosqichli evolyutsiyasi - an’anaviy era, Dostokgolm davri, Stokgolm davri va Rio-de-Janeyro davri - ko‘rib chiqilgan, shuningdek Stokgolm konferensiyasi, Vena konvensiyasi, Kioto protokoli va Parij bitimi kabi asosiy xalqaro hujjatlarning ekologik boshqaruv tizimidagi o‘rni yoritilgan. Tadqiqotda Yevropa Ittifoqi, AQSH, Xitoy va Skandinaviya mamlakatlarining ekologik siyosat borasidagi tajribasi qiyosiy tahlil qilinib, ularning umumiy va farqli jihatlari aniqlangan. Tahlil natijalari ekologik siyosatning samaradorligi qonunchilik bazasining mustahkamligi, fuqarolik jamiyatining faolligi va yashil iqtisodiyotga o‘tishni rag‘batlantiruvchi moliyaviy mexanizmlarning mavjudligiga bevosita bog‘liq ekanligini ko‘rsatadi.