O'ZBEKISTONDA BUDJET XARAJATLARINI OPTIMALLASHTIRISH VA IQTISODIY O'SISHNI TA'MINLASH MEXANIZMLARINI TAKOMILLASHTIRISH

Mazkur maqolada O‘zbekistonda budjet xarajatlarini optimallashtirish va iqtisodiy o‘sishni ta’minlash mexanizmlari tadqiq etilgan. Tadqiqotda davlat budjeti xarajatlarining tarkibi va dinamikasi, ularning iqtisodiy o‘sishga ta’siri hamda budjet mablag‘laridan foydalanish samaradorligi tahlil qilingan. Budjet xarajatlarini natijadorlik asosida rejalashtirish, samarasiz xarajatlarni qisqartirish, investitsion xarajatlar samaradorligini oshirish va budjet jarayonlarini raqamlashtirishning ahamiyati asoslab berilgan. Tadqiqot natijalariga ko‘ra, budjet xarajatlarini optimallashtirishda xarajatlarni mexanik qisqartirishdan ko‘ra, mavjud moliyaviy resurslarni yuqori iqtisodiy va ijtimoiy samara beruvchi yo‘nalishlarga qayta taqsimlash muhimligi aniqlangan. Shuningdek, budjet mablag‘laridan foydalanish samaradorligini oshirish va iqtisodiy o‘sishni rag‘batlantirish bo‘yicha ilmiy-amaliy takliflar ishlab chiqilgan.