SUT TISHLARNING EMAL VA DENTIN TUZILISHIDAGI BIOLOGIK O'ZGARISHLAR: GISTOFIZIOLOGIK TAHLIL

Sut tishlar bolalar organizmining normal rivojlanishida muhim ahamiyat kasb etib, ularning qattiq to‘qimalari – emal va dentin – tishlarning funksional holatini ta’minlaydi. Ushbu maqolada sut tishlarning emal va dentin to‘qimalarida yuz beradigan biologik o‘zgarishlar, ularning gistologik va fiziologik xususiyatlari hamda kariyes rivojlanishidagi roli zamonaviy ilmiy adabiyotlar asosida tahlil qilindi. Tadqiqot natijalari sut tishlar qattiq to‘qimalarining doimiy tishlarga nisbatan o‘ziga xos morfologik va funksional xususiyatlarga ega ekanligini ko‘rsatdi. Emalning yupqaligi, dentinning kamroq mineralizatsiyalanganligi va pulpa bilan yaqin anatomik bog‘liqligi patologik jarayonlarning tez rivojlanishiga sabab bo‘ladi. Olingan ma’lumotlar bolalar stomatologiyasida profilaktika va davolash choralarini takomillashtirish uchun muhim ilmiy asos bo‘lib xizmat qiladi.