MAGISTRAL KANALLARDA SUV YO'QOTISHLARINING SABABLARI VA ULARNI KAMAYTIRISHNING ZAMONAVIY USULLARI

Ushbu tadqiqot ishida magistral kanallardagi suv yo'qotishlarining asosiy sabablari, xususan, tuproq o'zanli kanallarda sodir bo'ladigan filtrlash va bug'lanish jarayonlari chuqur tahlil qilingan. Ishda irrigatsiya tizimlarida suvlarning ko'p qismi aynan yetkazib berish bosqichida yo'qolishi ko'rsatib berilgan hamda ushbu yo'qotishlarni kamaytirishning zamonaviy muhandislik-texnik yechimlari taklif etilgan. Beton qoplamalar, geosintetik materiallar (geomembranalar) hamda kompozit qoplamalarning filtrlashni kamaytirishdagi samaradorligi qiyosiy baholangan. Tadqiqot natijalari kompozit va geomembrana qoplamalarini qo'llash orqali magistral kanallarning foydali ish koeffitsientini 0.90–0.95 gacha oshirish hamda suv yo'qotishlarini 80–85% ga qisqartirish imkoniyati borligini isbotlaydi.