EKSKAVATOR CHO'MICHINING IKKI YON PICHOQ QISMINI QOPLAMALI ELEKTRODLAR YORDAMIDA PAYVANDLAB QAYTA TIKLASH TEXNOLOGIYASI

Ushbu maqolada ekskavator cho‘michining ikki yon pichoq qismlarini qoplamali elektrodlar yordamida payvandlab qayta tiklash texnologiyasi o‘rganilgan. Ekskavator cho‘michining yon pichoqlari qazish va yuklash jarayonida grunt, shag‘al, qum va tog‘ jinslari bilan bevosita aloqada bo‘lib, kuchli abraziv va zarbali yeyilishga uchraydi. Natijada ularning geometrik o‘lchamlari o‘zgaradi, ish unumdorligi pasayadi va ekspluatatsion xarajatlar ortadi. Maqolada qoplamali elektrodlar yordamida yeyilgan yuzalarni tiklash, qattiqligini oshirish va xizmat muddatini uzaytirish masalalari yoritilgan. Tadqiqot natijalari payvandlab qayta tiklash texnologiyasi iqtisodiy jihatdan samarali va texnik nuqtai nazardan maqsadga muvofiq ekanligini ko‘rsatadi.