SURUNKALI POLIPOZ RINOSINUSITLARNING KLINIK TAVSIFI VA QAYTALANISHGA QARSHI DAVOLASH USULLARINI ISHLAB CHIQISH

Surunkali polipoz rinosinusit burun bo‘shlig‘i va yondosh burun bo‘shliqlari shilliq qavatining surunkali yallig‘lanishi bilan kechadigan kasallik bo‘lib, poliplarning hosil bo‘lishi, burun nafasining buzilishi va hid bilish funksiyasining pasayishi bilan tavsiflanadi. Kasallikning yuqori darajada qaytalanishga moyilligi uning dolzarbligini belgilaydi. Mazkur tezisda surunkali polipoz rinosinusitlarning klinik xususiyatlari, diagnostik mezonlari hamda qaytalanishga qarshi davolash usullarining samaradorligi tahlil qilingan. Kompleks konservativ va jarrohlik davolash usullarini qo‘llash kasallikning retsidivlarini kamaytirish va bemorlarning hayot sifatini yaxshilash imkonini beradi.