PEDAGOGNING KASBIY KOMPETENTLIGINI SHAKLLANTIRISHNING NAZARIY ASOSLARI VA TARKIBIY KOMPONENTLARI

Mazkur maqolada pedagogning kasbiy kompetentligining mazmun-mohiyati, uning zamonaviy ta’lim tizimidagi o‘rni va ahamiyati tahlil etilgan. Kasbiy kompetentlikning integrativ xarakteri asoslab berilib, u nafaqat alohida bilim va ko‘nikmalar yig‘indisi, balki ularni amaliy faoliyatda samarali qo‘llashga qaratilgan murakkab tizim sifatida talqin etiladi. Shuningdek, maqolada ijtimoiy, maxsus, psixologik, metodik, informatsion, kreativ, innovatsion, kommunikativ, shaxsiy, texnologik va ekstremal kompetentlik turlari mazmuni ochib berilgan. Pedagogning kasbiy rivojlanishida o‘z-o‘zini tahlil qilish, baholash va uzluksiz rivojlanish jarayonlarining ahamiyati yoritilgan. Tadqiqotda A.K. Markova, B. Nazarova hamda S. Musinovlarning ilmiy qarashlari asosida kasbiy kompetentlikning tarkibiy tuzilmasi va o‘ziga xos jihatlari umumlashtirilgan.