TUGʼRUQ TRАVMАSINING ZАMONАVIY JIHАTLАRI VА UNING OQIBАTLАRI: EPIZIOTOMIYA, VАGINАL DISBIOZ VА TOS BOʼSHLIGʼI YETISHMOVCHILIGI

Zamonaviy akusherlikda tos bo'shlig'iga bog'liq xavflar tufayli epiziotomiyadan muntazam foydalanishni qayta ko'rib chiqish tendentsiyasi mavjud. Tadqiqotlar shuni ko'rsatadiki, oraliq sohasi shikastlanishi, shu jumladan epiziotomiya va yirtilishlar tos diafragmasining yaxlitligini buzishi mumkin, bu esa tos churrasining shakllanishiga olib keladi. Epiziotomiyalar va oraliq sohasi yirtilishlari bo'yicha statistik ma'lumotlar turli mamlakatlarda sezilarli darajada farq qiladi, bu esa tug'ruqni boshqarishga yondashuvlardagi farqlarni ko'rsatadi. Qo'shma Shtatlarda epiziotomiya 20% dan 73% gacha, uchinchi va to'rtinchi darajali yirtilishlar 4% dan 13% gacha uchraydi. Evropada bu ko'rsatkichlar ham farq qiladi: Shvetsiya va Buyuk Britaniyada tug'ruq jarohati mos ravishda 9,7% va 15% ni tashkil qiladi, Italiyada esa 58% ga yetadi. Lotin Amerikasi mamlakatlarida epiziotomiya 69,2-96,2% hollarda, Turkiyada esa birinchi tug'ruqlarda 93,3% hollarda yuzaga keladi. Afrikada epiziotomiya ko'rsatkichlari paritet bo'yicha o'zgaradi: janubiy Efiopiyada 68% va Zimbabveda o'rtacha 27%, birinchi tug'uvchi va qayta tug'uvchi ayollar o'rtasidagi farqlar bo'ladi. Nigeriyada epiziotomiya qo'llanilishi 21% dan 40,4% gacha, I-II darajali yorilishlar esa 18,2% ni tashkil qiladi, oraliq sohasi yarasining asoratlar bilan bitishi esa tug'ruqdagi har ikkinchi ayolda (52,1%) kuzatiladi.