TRENINGLAR ORQALI "MEN" OBRAZINI SHAKLLANTIRISH MUAMMOSI

Mazkur maqolada shaxs psixologiyasining muhim kategoriyalaridan biri bo‘lgan “Men” obrazini shakllantirish jarayoni hamda ushbu jarayonda psixologik treninglarning o‘rni ilmiy jihatdan tahlil etilgan. Tadqiqotning maqsadi — trening mashg‘ulotlari orqali shaxsning o‘z-o‘zini anglash, o‘zini baholash va ijobiy “Men” obrazini rivojlantirish imkoniyatlarini aniqlashdan iborat. Tadqiqot jarayonida nazariy tahlil, psixologik suhbat, kuzatish hamda guruhiy trening metodlaridan foydalanildi. Olingan natijalar trening mashg‘ulotlari shaxsning reflektiv faolligini oshirish, ichki resurslarini anglash va barqaror “Men” obrazini shakllantirishda samarali vosita ekanligini ko‘rsatdi. Tadqiqot xulosalari amaliy psixologlar, trenerlar hamda ta’lim muassasalari psixologik xizmat faoliyatida qo‘llash uchun tavsiya etiladi.