KREDIT-MODUL TIZIMIDA TALABALARNING MUSTAQIL TA'LIMIDA SUN'IY INTELLEKT TEXNOLOGIYALARIDAN FOYDALANISH

Mazkur maqolada kredit-modul tizimi sharoitida talabalarning mustaqil ta’lim jarayonida sun’iy intellekt (SI) texnologiyalaridan foydalanish imkoniyatlari va pedagogik ahamiyati tahlil qilinadi. Tadqiqotda sun’iy intellekt asosidagi raqamli platformalar talabalarning mustaqil bilim olish faoliyatini tashkil etishda muhim vosita ekanligi asoslab beriladi. Shuningdek, sun’iy intellekt yordamida mustaqil ta’lim samaradorligini oshirish, individual o‘quv trayektoriyasini shakllantirish hamda talabalarning analitik va tanqidiy fikrlash ko‘nikmalarini rivojlantirish masalalari ko‘rib chiqiladi. Tadqiqot natijalari sun’iy intellekt texnologiyalarini mustaqil ta’lim jarayoniga integratsiya qilish oliy ta’lim sifatini oshirishga xizmat qilishini ko‘rsatadi.