OWASP TOP 10 NING EVOLYUTSIYASI VA TENDENSIYALARI

Mazkur tadqiqot ishida zamonaviy veb-ilovalarning kiberxavfsizlik holati hamda yillar davomida kibertahdidlar xarakterining o‘zgarishi OWASP Top 10 reytingi evolyutsiyasi misolida tahlil qilingan. Veb-texnologiyalarning rivojlanishi va biznes jarayonlarining raqamli platformalarga ko‘chishi fonida maxfiy ma’lumotlarni himoya qilish muammosi har qachongidan ham dolzarb bo‘lib bormoqda. Qo‘lda (manual) bajariladigan audit ko‘p vaqt va resurs talab etishini inobatga olgan holda, maqolada zaifliklarni avtomatlashtirilgan tarzda aniqlash masalasi tadqiq etilgan. Tadqiqot doirasida AWS-EC2 infratuzilmasida joylashtirilgan OWASP-BWA va WordPress test platformalarida reNgine, Nessus Essentials, OWASP ZAP, Wapiti hamda Burp Suite Community kabi ochiq kodli zaiflik skanerlarining samaradorligi o‘zaro qiyoslangan. Baholash mezonlari (bepul mavjudligi, OWASP Top 10 zaifliklarini aniqlash aniqligi, hisobot formati va monitoring imkoniyatlari) tahliliga ko‘ra, veb-ilovalar va aktivlarni uzluksiz nazorat qilishda reNgine vositasi eng samarali yechim sifatida asoslab berilgan.