BUXORO VILOYATI SHAROITIDA BUXORO-10 G'O'ZA NAVINING TURLI SUG'ORISH USULLARIDAGI MAQBUL SUG'ORISH TARTIBLARINI ASOSLASH

Mazkur maqolada Buxoro viloyatining o‘tloqi-alluvial tuproqlari sharoitida Buxoro-10 g‘o‘za navini turli sug‘orish usullarida yetishtirishning ilmiy asoslari o‘rganilgan. Tadqiqotlarda an’anaviy egatlab sug‘orish hamda tomchilatib sug‘orish texnologiyalarining tuproqning suv-fizik xossalari, namlik rejimi va suvdan foydalanish samaradorligiga ta’siri baholangan. Sug‘orishdan oldingi tuproq namligini CHDNS ga nisbatan 70–75–65 %, 70–80–65 % va 80–80–65 % darajalarda saqlash orqali g‘o‘zaning o‘sishi va rivojlanishi uchun qulay sharoitlar yaratilgan. Tadqiqot natijalari tomchilatib sug‘orish texnologiyasini qo‘llash suv sarfini kamaytirish bilan birga tuproqning suv-fizik xossalarini yaxshilashi va hosildorlikni oshirish imkonini berishini ko‘rsatdi.