O'smir yoshdagi o'quvchilarda kommunikativ kompetentlikni shakllantirishning nazariy asoslari

Ushbu maqolada o‘smir yoshidagi o‘quvchilarda kommunikativ kompetentlikni shakllantirishning nazariy-metodologik asoslari keng qamrovda yoritiladi. Zamonaviy ta’lim jarayonida kommunikativ kompetentlikning shaxsning ijtimoiy, psixologik, axloqiy va intellektual rivojlanishidagi o‘rni turli ilmiy manbalar va tadqiqotlar asosida chuqur tahlil qilinadi. Maqolada kommunikativ kompetentlikning tarkibiy tuzilmasi, uning lingvistik, diskursiv, ijtimoiy-lingvistik va strategik kompetensiyalar bilan o‘zaro bog‘liqligi ochib beriladi. O‘smirlik davrining psixologik xususiyatlari, muloqotga bo‘lgan ehtiyoj, emotsional barqarorlik, o‘zini ifoda etish qobiliyati va shaxslararo munosabatlarga kirishish mexanizmlari ilmiy asosda bayon qilinadi. Tadqiqot natijalari kommunikativ kompetentlikni shakllantirish o‘quvchining muloqot madaniyati, ijtimoiy moslashuvi, konfliktlarga kirishmaslik, liderlik sifatlari va jamoada ishlash qobiliyatlarining rivojlanishini ta’minlashini ko‘rsatadi.