NEIL GAIMAN IJODIDA AN'ANAVIY ERTAKLARNING TRANSFORMATSIYASI VA ZAMONAVIY IJTIMOIY-SIYOSIY MUAMMOLARNING BADIIY IFODASI

Ushbu maqolada zamonaviy ingliz adabiyotining taniqli vakili Neil Gaiman ijodidagi janrlararo sintez, an’anaviy ertak va mifologik obrazlarning zamonaviy ijtimoiy-madaniy kontekstda qayta talqin qilinishi masalalari tadqiq etiladi. Tadqiqot obyekti sifatida yozuvchining "Coraline", "American Gods", "The Ocean at the End of the Lane" romanlari va uning "The Sandman" grafik asarlari tanlab olindi. Maqolada an’anaviy gender rollarining subversiyasi, intertekstuallik va metafiktsiya elementlarining badiiy funksiyalari batafsil tahlil qilinadi. Shuningdek, Gaimanning "zamonaviy adabiy ertak" tushunchasini kengaytirishdagi hissasi va uning asarlarida iste’mol madaniyati, identitet hamda hokimiyat munosabatlari kabi ijtimoiy-siyosiy muammolarning aks etishi qiyosiy-tahliliy usulda ochib beriladi.