TALABALARDA O'ZINI-O'ZI NAZORAT QILISH KO'NIKMALARINI SHAKLLANTIRISHNING ZAMONAVIY PEDAGOGIK TEXNOLOGIYALARI

Mazkur maqolada talabalarda o‘zini-o‘zi nazorat qilish ko‘nikmalarini shakllantirishda zamonaviy pedagogik texnologiyalarning o‘rni va ahamiyati ilmiy-pedagogik nuqtayi nazardan tahlil qilingan. Oliy ta'lim tizimida ta'lim sifati va samaradorligini oshirishda talabaning mustaqil faoliyati, refleksiv fikrlashi, o‘zini baholashi hamda o‘z-o‘zini boshqarish kompetensiyalarini rivojlantirishning dolzarbligi yoritilgan. Shuningdek, interfaol metodlar, muammoli ta'lim, loyiha metodi, hamkorlikda o‘qitish, raqamli ta'lim texnologiyalari va elektron ta'lim platformalarining talabalarda o‘zini-o‘zi nazorat qilish ko‘nikmalarini rivojlantirishdagi imkoniyatlari tahlil etilgan. Tadqiqot natijalari shuni ko‘rsatadiki, zamonaviy pedagogik texnologiyalar asosida tashkil etilgan ta'lim jarayoni talabalarning mustaqil fikrlashi, mas'uliyat hissi va o‘quv faoliyatini samarali boshqarish kompetensiyalarining rivojlanishiga xizmat qiladi.