GUSENITSALI MASHINALARNING SANOATDAGI O'RNI VA AHAMIYATI

Annotatsiya. Tezisda gusenitsali mashinalarning zamonaviy sanoatdagi funksional o‘rni, ularning konchilik, qurilish, neft-gaz, o‘rmon va qishloq xo‘jaligi kabi murakkab ish sharoitlaridagi ahamiyati tahlil qilinadi. Gusenitsali yurish tizimining asosiy ustunliklari - yuqori tortish kuchi, yerga tushadigan solishtirma bosimning nisbatan pastligi, yumshoq va notekis gruntlarda o‘tuvchanlik, og‘ir ish jihozlari bilan barqaror ishlash qobiliyati - terramexanika va mashina-grunt o‘zaro ta’siri nuqtai nazaridan yoritiladi. Shu bilan birga, yurish qismining yeyilishi, past transport tezligi, energiya sarfi va servis xarajatlari kabi cheklovlar ham ko‘rib chiqiladi. Xalqaro standartlar va zamonaviy ilmiy adabiyotlar asosida sanoat gusenitsali mashinalariga qo‘yiladigan unumdorlik, ishonchlilik, xavfsizlik, ergonomika, energiya samaradorligi, ekologik va raqamli diagnostika talablari tizimlashtiriladi.