KK1-0862 - Hpaga la a lam (The trader)

Moi da masha la langai mi gaw hpaga ga hkawm mat wa ai da. Shi hkrai sha hpaga ga hkawm mat wa ba she ba, ba she ba rai na pa layang langai mi kaw hkawm na jan mung grai ja pa layang dai htum re kaw na gaw nam maling de du wa re yang ngai gaw oh ra nam maling oh ra de du yang gaw sa la na re, hpun shingnyip kaw, kaja wa sha dai nam maling du nam maling marawn langai mi de du re yang gaw lagat hpun grai kaba ai langai mi kaw nga ai da. U ni mung lagat si di sha na chyaw e chya e ru e ra e nga shi gaw nau ba ai hte jan ja ai hte sumru yu ai da. Sumru yu na hpan sagya e wa she (wayhpan ) sai da law shi gaw i ngai gaw hpan sagya ndai gaw waw mung shang re nga gaw, nyep sha hkyi hkyi re chye ya sha nyep hkyi hkyi, hpan sagya ndai gaw ngu ladi mung hto de yawng ai hpan da yang mung mai ai re wa nga da. Hpan da yang mai ai re wa ya dai re yang gaw ngai nyep n hkyi ra na, ya na gaw ( te te) shayawn tawn na hto de mahka shayawn tawn yang kade she hkrak na nga mung dut ai da, dai kaw na she bai ah ga a hpan sagya ndai gaw aw ndai daram ram hpun kaw re yang gaw lagat si mu na n te sha law ai asi wa si hkumli tsin ru kachyi sha law re yang gaw kaba ba law ai si re gaw nau gaw n tara ai. Ndan re jan gaw ja ai hte hpun kaba hkan gaw asi kaji ai di da, aru kaji ai re yang gaw asi kaba hpan da re gaw sagya wa ndai gaw ngu nga yang hto u ni lagat si di sha na lagat si di hkrat wa ai wa shi ladi kaw hpyek da. Kei hto ntsa kaw na grai tsaw ai kaw na hkrat ai re nga grai machyi kau kau re yang gaw shi gaw shaloi she myit malai lu ai hku nga, ga a ngai hpan sagya e grai mara shangun ai, dai ni law aw ndai lagat hpun ndai kaw oh ra hkumli tsin ndai ram law ai she hpun kaba na hkumli tsin daram law ai si yang dai ni nye ladi gaw ayai mat sai i. Ya asi kaji chyawm me ngai naw tsin tsi nga ai ngu na shi tsun kau ai myit ai ni mahkra grai shut dum nna myit malai lu ai da htum sai. . Language as given: Jinghpaw