ESHITISHIDA NUQSONI BO'LGAN BOLALAR TA'LIMIDA SUN'IY INTELLEKT TEXNOLOGIYALARIDAN FOYDALANISHNING PEDAGOGIK IMKONIYATLARI

Mazkur tezisda eshitishida nuqsoni bo‘lgan bolalar ta'limida sun'iy intellekt texnologiyalaridan foydalanishning pedagogik imkoniyatlari tahlil qilinadi. Sun'iy intellekt asosidagi adaptiv ta'lim tizimlari, nutqni matnga aylantirish, avtomatik subtitrlar, kompyuter ko‘rish texnologiyalari hamda o‘quv jarayonini individuallashtirish imkoniyatlari ilmiy jihatdan yoritiladi. Shuningdek, zamonaviy xalqaro tadqiqotlar asosida sun'iy intellektning kommunikativ kompetensiyani rivojlantirish, ta'lim sifati va inklyuzivlikni oshirishdagi o‘rni baholanadi. Tadqiqot natijasida eshitishida nuqsoni bo‘lgan o‘quvchilar uchun sun'iy intellektga asoslangan pedagogik model taklif etiladi. Ushbu model maxsus ta'lim jarayonini raqamlashtirish, o‘quvchilarning individual ehtiyojlarini aniqlash hamda korreksion-pedagogik faoliyat samaradorligini oshirishga xizmat qiladi.