BOSHLANG'ICH SINF O'QUVCHILARIDA SUN'IY INTELLEKT VOSITALARI YORDAMIDA KREATIV FIKRLASHNI RIVOJLANTIRISHNING PSIXOLOGIK OMILLARI

Maqolada boshlang‘ich sinf o‘quvchilarida sun’iy intellekt vositalari yordamida kreativ fikrlashni rivojlantirishga ta’sir etuvchi psixologik omillar tahlili amalga oshirilingan. Kreativ fikrlashning ravonlik, moslashuvchanlik, originallik, mustaqillik va refleksiv faollik kabi tarkibiy jihatlari sun’iy intellektga asoslangan ta’limiy faoliyat bilan birga yoritilgan. Sun’iy intellekt vositalaridan maqsadli va yosh xususiyatlariga mos foydalanish o‘quvchilarning bilish motivatsiyasi, tasavvuri, muammoga turli nuqtai nazardan yondashishi va yangi g‘oyalar yaratish faolligini kuchaytirishi asoslab berilgan. Shuningdek, o‘quvchining tayyor javobni qabul qilishi emas, balki sun’iy intellekt takliflarini tahlil qilishi, taqqoslashi, baholashi va ijodiy qayta ishlashi kreativ rivojlanishning muhim psixologik mexanizmi sifatida ko‘rsatib o‘tilgan. Maqolada sun’iy intellektdan pedagogik nazoratsiz yoki metodik jihatdan noto‘g‘ri foydalanish mustaqil fikrlash faolligining pasayishi va tayyor javoblarga qaramlik xavfini yuzaga keltirishi mumkinligi ham ta’kidlangan bo‘lib, olingan nazariy xulosalar boshlang‘ich ta’limda sun’iy intellekt vositalarini o‘quvchilarning kreativ salohiyati, mustaqil fikrlashi va refleksiv faoliyatini rivojlantirishga yo‘naltirilgan psixologik-pedagogik yondashuv asosida qo‘llash zarurligini ko‘rsatadi.