B1 DARAJADAGI TIL O'RGANUVCHILARNING LEKSIK KOMPETENSIYASINI RIVOJLANTIRISHDA INTERFAOL METODLARNING AHAMIYATI

Ushbu maqolada B1 (Intermediate) darajasidagi til o’rganuvchilarning leksik kompetensiyasini rivojlantirishda interfaol metodlarning o‘rni yoritiladi. B1 bosqichida o‘quvchilar oddiy mavzularda gapira olsalar ham, fikrini kengroq va aniqroq ifodalashda qiynaladilar. Bu ko‘pincha so‘z boyligining yetarli emasligi bilan bog‘liq. Tadqiqot jarayonida rolli o‘yinlar, guruhli ishlash, savol-javob mashqlari hamda raqamli platformalardan foydalanish natijalari tahlil qilindi. Olingan ma’lumotlar shuni ko‘rsatdiki, interfaol metodlar o‘quvchilarning darsga qiziqishini oshiradi va yangi so‘zlarni faol nutqda qo‘llashiga yordam beradi.