ISSIQXONA XAVOSINI TOZALASH UCHUN ELEKTROFILTR ISHLAB CHIQISH

Ushbu ilmiy maqolada zamonaviy issiqxonalar ichki muhitidagi havoni tozalash va mikroiqlimni yaxshilash maqsadida ikki bosqichli elektrofiltr (elektr cho‘ktirgich) qurilmasini ishlab chiqish, uning konstruktiv parametrlari va ish rejimlarini tadqiq etish masalalari yoritilgan. Issiqxona havosida uchraydigan organik changlar, zamburug‘ sporalari, bakteriyalar va turli aerozollarni (PM2.5 va PM10) samarali tutib qolish uchun ijobiy toj razryadli (positive corona) elektrofiltr modeli taklif etilgan. Maqolada qurilmaning aerodinamik qarshiligi, ionizatsiya kuchlanishi va havoning nisbiy namligi elektrofiltr samaradorligiga ko‘rsatadigan ta’siri matematik modellashtirish va eksperimental ma’lumotlar asosida tahlil qilingan. Tadqiqot natijalariga ko‘ra, ishlab chiqilgan elektrofiltr havo oqimi tezligi 1,2 m/s bo‘lganda, PM2.5 zarralarini 95,4% gacha, mikrobiologik sporalarni esa 97,8% gacha samaradorlik bilan tutib qolishi aniqlandi. Shuningdek, qurilmaning ozon ajratish miqdori o‘simliklar uchun xavfsiz bo‘lgan 0,02 ppm darajasidan oshmasligi isbotlandi.