BOBORAHIM MASHRAB IJODIYOTINI O'RGANISHDA "QISSAI MASHRAB" ASARINING O'RNI

Ushbu maqolada XVII-XVIII asr o‘zbek adabiyotining ko‘zga ko‘ringan vakili Boborahim Mashrabning ijodiy merosi ko‘rib chiqiladi. Shoir asarlarining g‘oyaviy-badiiy xususiyatlari, so‘fiylik dunyoqarashi va ijtimoiy-falsafiy mazmuni tahlil qilinadi. Mashrab she’riyatida ilohiy ishq, ozodlik, adolat, ikkiyuzlamachilikka qarshi kurash va insoniy ruhiy erkinlik mavzulari markaziy o‘rin egallashi ta’kidlangan. Bundan tashqari, shoirning xalq og‘zaki ijodi bilan yaqin aloqasi, ramziy obrazlar mahorati va tasavvuf terminologiyasining badiiy talqini ilmiy nuqtai nazardan o‘rganilgan. Maqolada Mashrab ijodining mumtoz o‘zbek adabiyotidagi o‘rni va ahamiyati ochib beriladi.