KK1-2486 - Hpa bungli hpe tim ahpa atang sha n mai ai lam (Why it is not good to do the work on the surface)

Transcription (La Ring) Hpa magam bungli hpe raitim mung ahpa atang sha nmai myit ai ngu ai mabyin langai mi re. Kahtawng langai mi hta e dingla langai mi shi hkrai sha nga nna e shi hkrai sha nga ai sha n-ga na shi gaw mare kata kaw mung nnga ai sha mare shinggan kaw nga na ndup dup sha ai dingla langai mi re. Dai dingla shi gaw mare shinggan de e ndup dup sha ai ayi ma shi hkrai sha yi hkrai galaw nna nga ai dingla langai mi re. Shi gaw amam ni kung wa myin wa re shaloi e masha ni mu lai na "Dwi la e na ayi gaw u ni sha nga ai lo, nam na dusat dumyeng ni mung sha nga ai lo" ngu na sa tsun dan yang e "Sha mu ga shingnoi gun ai nre buri gun ai nre" nga nna galoi mung dai hku tsun kau ai. Raitim mung a u ni gaw shani shanang sa sha rai nna mam yi dai gaw shi hkrai dinghkrai re majaw gaw hpang jahtum e gaw mam yi kaw na mam mung nlu la mat ai. Dai majaw "Hpa hpe raitim mung ahpa atang sha nmai myit ai, nmai galaw ai" ngu ai mabyin langai mi re ngu na tsun n-gun jaw mayu ai law. . Language as given: Jinghpaw