IJTIMOIY TARMOQLARNING INGLIZ TILINI O'ZLASHTIRISHGA TA'SIRI

Ushbu maqolada ijtimoiy tarmoqlarning ingliz tilini o‘zlashtirish jarayoniga ta’siri tahlil qilinadi. Tadqiqotda ijtimoiy tarmoqlarning til o‘rganishdagi o‘rni, ularning ijobiy va salbiy jihatlari ko‘rib chiqilgan. Xususan, YouTube, Instagram, TikTok va Telegram kabi platformalarning yangi so‘z va iboralarni o‘rganish, tinglab tushunish ko‘nikmasini rivojlantirish, talaffuzni yaxshilash hamda o‘quvchilarning motivatsiyasini oshirishdagi ahamiyati yoritilgan. Shu bilan birga, ijtimoiy tarmoqlarning chalg‘ituvchi omil sifatidagi ta’siri, norasmiy til birliklarining ko‘pligi va vaqtning samarasiz sarflanishi kabi salbiy tomonlari ham tahlil qilingan. Tadqiqot natijalari ijtimoiy tarmoqlar ingliz tilini o‘rganishda samarali qo‘shimcha vosita ekanini ko‘rsatadi. Ulardan to‘g‘ri va maqsadli foydalanish til o‘zlashtirish samaradorligini oshirishga xizmat qiladi.