KK1-2784 - Hpaga ga yang myit hkrum ra ai (Why we should cooperate when trading)

Transcription (Lu Hkawng) Moi i, shawng de da yaw Hpaga la lahkawng nga ai da, shan lahkawng gaw hpaga ga na matu oh hpaga ga mat wa ai da. Sa mat wa re she htaw mare langai kaw du yang she la langai mi gaw ning ngu na hku nga "E hkau wa e, dai na ndai mare kaw le Ji-grawng grai nga ai re lu dai na nang kaw yup ga lu atsawm re yup ga nhkun htu nna wan wut na atsawm re yup ga'' ngu ai da. La langai wa gaw n madat ''E hpa ma nra law hpa ma n ra law'' dai gaw mare dingsa re ai da, oh masha ni htawt kau ai mare dingsa le i 'Chye hpa n ra ai law, hpa n ra ai law, hpa n ra ai''ngu ai da. Langai mi gaw atsawm sha yup ai da, nhkun htu nhkun htu na she wan ni wut na yup da, la langai gaw "E hkau ye dai hku n re ai law dai hku n mai ai law hkau e dai hku di ga law nhkun htu na atsawm re yup ga law'' ''Nra ai law'' myit nhkrum hkraw ai da,''E n kam ai law ngai gaw dai hku sha yup na re'' ngu oh la langai mi gaw atsawm re nhkun htu nna atsawm re na yup, langai gaw dai hku sha yup mat wa ai da. Shan lahkawng yan n hkrum nna dai hku sha n-ru n-ra nga nna yup mat wa yang she, shana yup ka-ang rai jang gaw Ji-grawng kaba ba re U La tang gawng ram re ai ni sa wa ai da. Sa wa nyen..nyen. nga sa wa na she, dai nhkun nhtu na yup ai i manang na ga n madat ai le, rai na hkrup mara re yup ai dai hpe Ji-grawng e sha kau ai da, Ji-grawng ni ashep hkrai ashep sha kau she, dai she ''E hkau e ngai hpe je la rit lo, hkau ye, e hkau'' ngu tim oh ra wa gaw yup tik tik da, nhkun htu na atsawm re yup nga ai dai kaw yup tik tik hpa mung n je la lu sai gaw i, shi hpe htaw Ji-grawng ni yawng jawm sha kau tim shi hpe nje la lu ''Hkau e matsan dum la, hkye la lo, je la lo'' hkrai ngu da, e hpang ye gaw hpa ma ngu tim Ji-grawng ni yawng sha kau ya shi gaw dai hku rai mat sai le, dai kaw she langai mi gaw lawt mat wa, langai mi gaw n lawt e dang re wa ai da, hpaga la lahkawng dai majaw i hpaga ga ngu ai gaw myit hkrum ra ai da. . Language as given: Jinghpaw