SOVUQ URUSH DAVRI INGLIZ ADABIYOTIDA SIYOSIY QO'RQUV VA ZIYOLI YOSHLAR RUHIYATINING BADIIY TALQINI (ORWELL, GOLDING VA BOSHQA YOZUVCHILAR ASARLARI MISOLIDA)

Maqolada XX asrning ikkinchi yarmidagi Sovuq urush davri ingliz adabiyotida siyosiy qo‘rquv va ziyoli yoshlar ruhiyatining aks etishi tahlil qilinadi. Tadqiqot materiali sifatida George Orwellning Nineteen Eighty-Four (1949) va William Goldingning Lord of the Flies (1954) romanlari tanlangan; qiyoslash uchun «Jahldor yoshlar» avlodiga mansub John Osborne yozgan Look Back in Anger (1956) pyesasi hamda Anthony Burgessning A Clockwork Orange (1962) romaniga murojaat qilingan. Tarixiy-qiyosiy va matn tahlili usullari yordamida yadro urushi xavfi, totalitar nazorat va ideallarning yemirilishi yosh avlod ongida qanday badiiy obrazlar orqali ifodalanganligi ko‘rsatib beriladi. Maqola natijalaridan xorijiy adabiyot tarixi va ingliz adabiyotini o‘qitish metodikasi kurslarida foydalanish mumkin.