TO'LOV TIZIMLARIDA RAQOBATBARDOSHLIKNI OSHIRISHNING STRATEGIK BOSHQARUV MEXANIZMLARI
收藏资源简介：
Jahon iqtisodiyotida to‘lov xizmatlari bozori moliya sektorining eng dinamik va yuqori raqobat kuzatilayotgan segmentlaridan biriga aylanib, undagi raqobat munosabatlari an’anaviy banklar o‘rtasidagi kurash chegarasidan chiqib, to‘lov tashkilotlari, elektron pul emitentlari, texnologik platformalar, telekommunikatsiya kompaniyalari va boshqa moliyaviy xizmat ko‘rsatuvchi subyektlarni qamrab oluvchi murakkab bozor tizimini shakllantirmoqda. Bunday sharoitda to‘lov tizimining raqobatbardoshligi faqat tranzaksiyalarni amalga oshirish texnik imkoniyati yoki mavjud infratuzilma ko‘lami bilan belgilanmaydi. Bozor subyektining iste’molchi uchun boshqa provayderlarga nisbatan yuqoriroq iqtisodiy qiymat yaratishi, xizmatlar portfelini bozor talabidagi o‘zgarishlarga moslashtirishi, tarif va nomonetar raqobat vositalaridan samarali foydalanishi, mijozlar bazasini barqaror saqlab qolishi hamda o‘z resurslarini istiqbolli bozor segmentlariga tezkor qayta taqsimlay olishi uning uzoq muddatli raqobat ustunligini belgilovchi asosiy omillarga aylanmoqda.
