МИНТАҚАЛАР ИҚТИСОДИЁТИ ВА АҲОЛИ БАНДЛИГИ ТАЪМИНЛАШДА КРЕДИТЛАРНИНГ ТУТГАН ЎРНИ

Дунё амалиётида мамлакатлар иқтисодиётини ривожлантиришда, аҳоли бандлигини таъминлашда ва ишлаб чиқаришни ривожлантиришда тижорат банклари доимо иқтисодиётни пул маблағлари билан таъминловчи қон томири вазифасини бажарган. Власкин.Внинг фикрига кўра “Бозор муносабатлари шароитида банклар халқ хўжалигини қўшимча пул ресурслари билан таъминловчи муҳим манба бўлиб хизмат қилади. Замонавий банклар нафақат пул билан савдо қилади, балки бир вақтнинг ўзида бозор таҳлилчилари. Жойлашувига кўра банклар бизнесга, унинг эҳтиёжларига, ўзгарувчан бозор конъюнктурасига энг яқин туради”.