ESHITISH NUQSONIGA EGA OʻQUVCHILARNING DAKTIL VA ISHORA NUTQINI OʻRGATUVCHI DASTURIY TA'MINOTLARNI JORIY ETISH SAMARADORLIGI

Ushbu maqolada eshitish nuqsoniga ega o‘quvchilar ta'lim jarayonida daktil va ishora nutqini o‘rgatuvchi zamonaviy dasturiy ta'minotlar hamda raqamli texnologiyalarni joriy etishning ilmiy-metodik va korreksion-pedagogik samaradorligi atroflicha tahlil qilingan. Eshitishi buzilgan bolalarning muloqot hamda bilish faoliyatini rivojlantirishda axborot-kommunikatsiya texnologiyalari, xususan, interaktiv ilovalar, 3D-animatsion lug‘atlar va sun'iy intellektga asoslangan platformalarning o‘rni yoritilgan. Maqolada raqamli daktil va ishora nutqi dasturlarining ta'lim jarayoniga tatbiq etilishi o‘quvchilarning lug‘at boyligini oshirish, muloqot to‘siqlarini bartaraf etish, o‘quv motivatsiyasini kuchaytirish hamda ularning ijtimoiy moslashuvini jadallashtirishdagi amaliy natijalari chuqur asoslab berilgan.