TA'LIM JARAYONIDA BADIIY MATNLAR ASOSIDA SHAXSIY SIFATLARNI RIVOJLANTIRISH

Ushbu ilmiy ishda ta’lim jarayonida badiiy matnlar asosida o‘quvchilarning shaxsiy sifatlarini rivojlantirish masalasi keng yoritilgan. Tadqiqotda globallashuv va axborotlashuv sharoitida ta’lim tizimi oldida turgan asosiy vazifalardan biri — mustaqil fikrlaydigan, ma’naviy barkamol va ijtimoiy faol shaxsni tarbiyalash ekanligi asoslab berilgan. Badiiy matnlarning tarbiyaviy imkoniyatlari tahlil qilinib, ularning o‘quvchilarda halollik, mas’uliyat, adolat, hamdardlik kabi shaxsiy sifatlarni shakllantirishdagi o‘rni yoritilgan. Tadqiqot natijalariga ko‘ra, badiiy asarlar asosida tashkil etilgan darslar o‘quvchilarning mustaqil fikrlashini rivojlantiradi, ularning emotsional-intellektual hamda kommunikativ kompetensiyalarini kuchaytiradi. Shuningdek, interfaol metodlar bilan uyg‘unlashtirilgan badiiy matnlar ta’lim samaradorligini oshirishi aniqlangan. Umuman olganda, badiiy matnlar ta’lim jarayonida shaxsiy sifatlarni rivojlantirishning samarali vositasi sifatida muhim ahamiyat kasb etadi.